Flakron Bytyqi, drejtues i FLOSS Kosova, thotë se, "standardet e hapura janë të rëndësishme për zhvillimin e një vendi siç është Kosova. Në nuk po zbulojmë asgjë, por po i bashkohemi një lëvizje globale dhe po aplikojmë modele të provuara në një situatë lokale."

Veprimtaria kryesore e organizatës do të jetë organizimi i një Konferencë Vjetore të Lirisë Softuerike (në ueb  në http://kosovasoftwarefreedom.org ) që do të mbahet për herë të parë më 29-30 gusht, 2009 në Prishtinë, Kosovë. Qëllimi kësaj konference është të paraqes ligjërues dhe programues kombëtar dhe ndërkombëtarë para një audience rajonale. 

Konferenca do t’i mbaj punimet në anglisht, shqip, serbisht, gjermanisht dhe turqisht. Temat që do të diskutohen do të përfshijnë Softuerin e Lirë dhe të Hapur, përmbajtjen e krijuar në mënyrë sociale si Wikipedia dhe Voice Over IP.

Organizata ka gjetur mjaft mbështetje në industrinë vendore dhe është duke punuar në sigurimin e pjesëmarrjes të shumë kompanive globale dhe organizatave si motra. Disa nga ata që tashmë kanë shprehur interes për të ligjëruar në konferencë janë përfaqësues nga Sun Microsystems, Mozilla, Pilot Systems, dhe Google Summer of Code.

Organizata është jo-qeveritare dhe jo-fitimprurëse në bazë të ligjeve përkatëse në fuqi në Kosovë. Kontribuuesit në projekt vijnë nga industria, bota akademike dhe entuziastë të Softuerit të Lirë.